أول قرار لازم ناخده في السنة الجديدة ان شاء الله ان ..
“الاذي النفسي المتعمد لا يغتفر”
التسامح فيه مش تسامح ده ضعف وخضوع وعجز..
لما تحبي تسامحي سامحي اللي غلط بدون قصد..
اللي مكانش واخد باله..
اللي طبعه كدة مع الناس كلها..
اللي ظروفه كانت صعبة..
إنما..
اللي قاصد يحرجك
واللي قاصد يقلل منك
واللي قاصد يوجعك
واللي قاصد يقرفك
واللي قاصد يستغلك
مالهمش مكان في حياتك اصلا..
بس الاول لازم تواجهي.. عينك في عينهم وتقولي تقصد ايه بالكلام ده؟
انا ماسمحلكش
انا مش موافقة
مايناسبنيش
مش هينفع معايا
اوعي تهربي خوف منهم.. اللي بيستخدم اسلوب الاذي النفسي بيكون شخصية هشة جدا من جواه وضعيف ومهزوز وبيداري ده انه بيخوف الناس منه وبيأذيهم نفسيا عشان يتعمل حسابه.. انما لو واجهتي هيخاف ويطلع يجري..
الإنسان الطبيعي بيدور دايما علي المتعة واللذة في الحياة.. انما اللي بيعيش في الألم ويدور عليه ويجري ورا افكاره السلبية ويعيش فيها محتاج مساعدة حد متخصص..