عارفة أغنية انا مش عارفني انا تهت مني انا مش انا؟؟

لادي ملامحي ولا شكلي شكلي ولا ده انا؟؟

بيجيلك الاحساس ده؟..علفكرة مش انتي لوحدك كلنا بنعدي بالموضوع ده خاصة بعد سن التلاتين..

وده عشان بقينا نلعب أدوار كتيرة اوي وجديدة علينا..

احنا عيشنا اغلب حياتنا بنلعب دور محدد وهو دور الابنة اللي بتروح وتيجي من المدرسة..

فجأة بقيت ماما.. وزوجة.. ويمكن ابنة كبيرة هي اللي شايلة مسئولية الاهل.. وبقيت موظفة مسئولة او صاحبة شغل ومسئولة.. او مدرسة وبرضه مسئولة..

كل دي حاجات كتير بعملها بس مش أنا ومش شبهي…

بعملها عشان لازم اعملها ومفيش بدايل..

مسئوليات بقي تابوهات مجتمعية المهم اني مضطرة وبعملها ومفيش بدايل…

اومال انا مين بقي لما كل دول مش انا..

في حاجة اسمها True self او Authentic state.. او انا الحقيقية..

ايوة في حد تاني جوايا مدفون بقاله سنين كتير ومش بيطلع غير في اوقات قليلة اوي… زي طفل صغير محبوس من زمان..

يمكن بتطلع وانا مع صحابي بتوع زمان

او مع اخويا اللي من زمان برضه

عارفة لما حد يقولك يااا الشنطة دي شبهك اوي ..

او رحت مكان افتكرتك وقلت لازم نروحه سوا عشان يشبهك اوي..

او ياااه شفت دي بتتباع قلت دي انتي اوي

اهو “انتي اوي” دي هي الtrue self

الtrue self. هي حاجة حرة جوانا.. هي اللي بتعرف تقول انا عايزة.. او لأ مش عايزة..

عشان كدة اللي بيعرف يفعل الtrueself بتاعته بيعيش باستمتاع وبمزاج وشغف… عشان اختياراته

وعشان كدة برضه بنحس ان انا مش انا ومش دي حياتي لما بيكون مفروض عليا حاجات وبعملها مضطره مش بحب..

انا مش هينفع الغي ادوار من حياتي.. بس هينفع جدا اعيش الدور ده بمزاجي وبقوانيني..

الtrue self هو الmanager بتاع حياتنا.. وهو اللي بينظم كل الادوار اللي بنعيشها

هو المايسترو اللي هيخليكي تعيشي حياة حلوة وبالالوان..

عشان توصلي للTrue self بتاعك احجزي مكانك في كورس The power of MY TRUE SELF