عايزة حياتك تمشي علي الشعرةمفيش غلط

مفيش تقصير

كله يبقي شايف دوره علي أكمل وجه؟

عايزة ولادك الأوائل علي المدرسة؟

وأبطال رياضيين

عايزاهم مثاليين

ومفيش زيهم؟

 

بتلومي نفسك كتير

ودايما حاسة انك مش راضية عن نفسك ونفسك اليوم يبقي يومين عشان يكفي الحاجات اللي المفروض تعمليها؟

مش مبسوطة؟

اللي حواليكي مش مساعدينك؟

مابتعرفيش تستمتعي طول مانتي مقصرة ووراكي حاجات؟

 

عارفة ده اسمه ايه؟؟ “Perfectionism” أو السعي للمثالية..

التفكير بالشكل ده متعب وبيخلينا نفقد استمتاعنا بحياتنا وبولادنا وبكل الحاجات الحلوة اللي عندنا..

ده غير انه ليه تأثير سلبي جدا علي الأطفال وصحتهم النفسية..

 

التفكير ده مش بيخلينا نشوف غير الناقص والبعيد عننا..

 

التفكير ده بيقربنا جدا من الأمراض النفسية زي القلق والاكتئاب لاقدر الله..